اسلام آباد (این این آئی)بھارتی سوشل میڈیا اکاؤنٹس سمیت بھارتی میڈیا بھی پاکستان کے خلاف پروپیگنڈا کرنے میں ماہر ہیں جس کی تازہ ترین مثال پنجگور واقعے کے بعد سامنے آئی۔بھارتی سوشل میڈیا اکاؤنٹ کی

جانب سے اداکار عثمان مختار کی آرمی کے یونیفارم میں ملبوس ایک تصویر شیئر کی گئی جو آئی ایس پی آر کے ڈرامے ”صنف آہن” کی ہے۔سوشل میڈیا اکاؤنٹ نے دعویٰ کیا کہ پاک فوج کے ایس ایس جی کمانڈر کیپٹن دانیال پنجگور میں وفات پا گئے ہیں۔عثمان مختار نے ٹوئٹ کا اسکرین شاٹ اپنے اکاؤنٹ پر شیئر کیا اور ساتھ ہی تنبیہ کی کہ ڈیئر پروپیگنڈا، آپ اپنی حد میں رہیں، میں زندہ ہوں۔اداکار کی ٹوئٹ سوشل میڈیا کے کئی پلیٹ فارمز پر وائرل ہوگئی جس پر صارفین مضحکہ خیز تبصرے پیش کر رہے ہیں جبکہ بھارتی اکاؤنٹ کو بھی سخت تنقید کا نشانہ بنایا گیاواضح رہے کہ بلوچستان کے علاقوں پنجگور اور نوشکی میں فورسز پر حملہ کیا گیا جس میں 13 فوجی جوان شہید اور 20 دہشتگرد ہلاک ہوئے۔