کراچی(این این آئی)کراچی میں ایف آئی اے کمرشل بینکنگ سرکل نے کارروائی کرتے ہوئے حج قرعہ اندازی کے لئے جمع کرائی گئی رقوم کی خوردبرد میں ملوث نجی بینک کے مینیجر کو گرفتار کرلیا۔ایف آئی اے کمرشل بینکنگ سرکل نے کارروائی کرتے ہوئے حج قرعہ اندازی

کیلئے جمع کرائی گئی رقم کی خوردبرد میں ملوث نجی بینک کے منیجر کو گرفتار کرلیا ہے۔اشفاق قادر نامی ملزم نے مجموعی طور پر مختلف مد میں 25 لاکھ روپے سے زائد خورد برد کیے، جن کا تعلق حج کی قرعہ اندازی میں ناکام افراد کو قابل واپسی رقم سے ہے۔ملزم نے رقم 2016 تا 2018 کے دوران بطور منیجر کھارادر برانچ سے جوائنٹ اکائونٹ میں منتقل کی۔ ملزم نے اپنی اہلیہ کے ساتھ نجی بینک کی بہادرآباد برانچ میں مشترکہ اکائونٹ کھول رکھا تھا۔خورد برد کیلئے ملزم نے نجی بینک کے ہیڈ آفس سے پے آرڈرز اور بینکرز چیک جاری کیے، ملزم نے اپنی برانچ کی خاتون افسر کے اکائونٹ سے بھی رقم جوائنٹ اکانٹ میں منتقل کی۔گرفتار ملزم نے رقم سے اپنے اور اہلیہ کے کریڈٹ کارڈ اوور ڈیوز کی ادائیگیاں کیں، جو بینک کی 5 برانچز کے کھاتوں سے 37 مرتبہ کی گئیں۔ملزم نے فراڈ کیلئے اپنے 4 جونیئر افسران کی آئی ڈیز بھی چوری کرکے استعمال کیں۔ سب انسپکٹر شیخ شہروز نے تحقیقات کے بعد درج مقدمے میں ملزم کو گرفتار کیا۔