راولپنڈی(مانیٹرنگ ڈیسک )لاہور ہائی کورٹ کے ججز کی سالگرہ آئندہ ہائی کورٹ میں چائے کے وقفہ کے دوران منائی جائے گی۔اس ضمن نے چیف جسٹس لاہور ہائی کورٹ جسٹس محمدامیر بھٹی نے تمام ججز کو آگاہ کردیا جس کے بعد نوٹیفکیشن جار ی کردیا گیا ہے۔روزنامہ جنگ کی
رپورٹ کے مطابق جس جج کی سالگرہ ہوگی وہ جس بھی بنچ میں تعینات ہوں گےاس بنچ میں سالگرہ کا کیک چائے کے وقفہ کے دوران کاٹا جائے گا۔دریں اثناء چیف جسٹس لاہور ہائی کورٹ آج اور کل لاہور ہائی کورٹ راولپنڈی بنچ میں مقدمات کی سماعت کریں گےجس کیلئے کاز لسٹ جاری کر دی گئی ہے۔ ہائی کورٹ بار راولپنڈی کے صدر سردار عبدالرازق خان کے مطابق لاہور ہائی کورٹ کے چیف جسٹس محمد امیر بھٹی 27 جنوری کو دن 11 بجے ہائیکورٹ بار راولپنڈی سے خطاب کریں گے اور ہائیکورٹ بار کی طرف سے وکلا کی سہولت کے لئے بنائے گئے خدمت سینٹر سمیت دیگر پراجیکٹس کا افتتاح کریں گے ۔ہائیکورٹ راولپنڈی بنچ کے ججز بھی چیف جسٹس کے ہمراہ ہوں گے۔ سردار عبدالرازق ایڈووکیٹ کے مطابق گزشتہ چالیس برس میں پہلی بار تقریباً دو کروڑ کی لاگت سے ہائیکورٹ بار کی بلڈنگ کی مکمل امپرومنٹ اور تزئین و آرائش شروع کی گئی ہے۔
