لندن (این این آئی) پاکستان مسلم لیگ (ن) کے قائد سابق وزیراعظم محمد نوازشریف سے سینیٹر چوہدری محمد جعفر، عشرت اشرف نے ملاقات کی جس میں ملکی سلامتی اور پاکستان کی سیاسی صورت حال پر تبادلہ خیال کیا گیا۔ جمعہ کو سابق وزیرِ اعظم پاکستان و قائد پاکستان مسلم لیگ (ن) محمد نواز شریف سے سینیٹر چوہدری محمد جعفر اقبال صاحب سینئر مرکزی رہنماء پاکستان مسلم لیگ (ن) و سابق ڈپٹی اسپیکر قومی اسمبلی اور ممبر صوبائی اسمبلی محترمہ عشرت اشرف نے سابق مشیر وزیرِ اعظم پاکستان سے لندن میں اہم ملاقات کی جس میں ملکی سلامتی اور پاکستان کی سیاسی صورت حال پر تبادلہ خیال کیا گیا۔ اِس موقع پر سابق وفاقی وزیر محمد اسحاق ڈار بھی موجود تھے۔