جڑانوالہ (آن لائن)صوبائی دارلحکومت کے علاقے انارکلی دھماکے کے بعد جڑانوالہ سمیت پنجاب بھر کے سرکاری سکولوں کیلئے حکومت نیایس او پیز جاری کر دیے تفصیلات کے مطابق جڑانوالہ سمیت پنجاب بھر کے تمام سکولوں کو طبی امداد کا سامان رکھنے کی ہدایت کر دی گئی ہے، مراسلے میں کہا گیاہے کہ 18 چیزوں کا فرسٹ ایڈ باکس سکولز میں لازمی موجود ہونا چاہیے، فرسٹ ایڈ باکس کی جلد دستیابی یقینی بنائی جائے۔قبل
ازیں انارکلیمیں ہونے والے دھماکے کی تفتیش میں اہم پیشرفت ہوئی ہے،کلوزسرکٹ فوٹیجز سے تین مشتبہ افراد کی نشاندہی کرلی گئی جس کے بعد تمام افراد کے چہروں کی شناخت کے لیے نادرا سے رابطہ کر لیا گیا۔ پولیس ذرائع کے مطابق مشتبہ افراد دھماکے سے قبل جائے وقوعہ کے ارد گرد دیکھے گئے تاہم پولیس تفتیش مکمل ہونے تک کسی کو حتمی ملزم قرار نہیں دے سکتے،مشتبہ افراد کا ریکارڈ حاصل کرکے کردار کا تعین ہوگا۔
