اسلام آباد (این این آئی)اسلام آباد کے ایف نائن پارک میں باہمت لڑکی نیلوفر شیرازی نے اپنی کلائی کے زور سے بیک وقت 1160 اینٹیں توڑ کر اپنا ہی ریکارڈ توڑ دیا۔ تفصیلات کیمطابق خیبرپختونخوا کے شہر بٹگرام سے تعلق رکھنے والی نیلوفر شیرازی نے جرات و بہادری کا مظاہرہ کرتے ہوئے

ورلڈ ریکارڈ قائم کردیا۔رواں سال فروری میں 1000 اینٹیں توڑنے والی نیلوفر نے اس بار 1160 اینٹیں توڑ کر اپنا ہی ریکارڈ توڑ ڈالا۔نیلوفر ایک کے بعد ایک اینٹ توڑتی چلی گئیں، ہاتھ زخمی ہوا لیکن بلندیوں کو چھونے والے جذبے میں کمی نہ آئی۔کلائی کے زور سے نیلوفر کو اینٹیں توڑتے دیکھ کر شہری دنگ رہ گئے اور نیلوفر کو لڑکیوں کے لیے رول ماڈل قرار دے دیا۔ورلڈ ریکارڈ قائم کرتے وقت نیلوفر نے اپنے جرت مندانہ عمل سے شہریوں سے خوب داد بھی وصول کی۔1160 اینٹین توڑ کر پاکستان کی آئرن لیڈی نیلوفر شیرازی نے نہ صرف ورلڈ ریکارڈ قائم کیا بلکہ ثابت کردیا کہ لڑکیوں کے لئے کوئی کام نا ممکن نہیں۔