اسلام آباد (مانیٹرنگ ڈیسک /این این آئی)تحریک انصاف کے سینئر رہنما و گورنر سندھ عمران اسماعیل نے ن لیگ کےقائد میاں نواز شریف کی واپسی کی خبروں پر طنزاشعر کہہ دیا ۔ تفصیلات کے مطابق سماجی رابطے کی ویب سائٹ ٹویٹر پر انہوں نے کہا ہے کہ پاسپورٹ ایکسپایری کے ساتھ ہی نواز شریف کی طبیعت میں بہتری آنے لگی۔ اب وہ جیل سے نہیں ڈرتے۔ برطانیہ نے بھی جواب دے دیا۔
اڈیالا میں صفائی کا آغاز ۔ ویلکم جناب ویلکم۔ انہوں نے اپنے شعر میں کہا ہے کہ وہ آ رہے ہیں وہ آتے ہیں آ رہے ہوں گے ۔۔۔شب فراق یہ کہہ کر گزار دی ہم نے۔ واضح رہے کہ اس سے قبل بھی گورنرسندھ عمران اسماعیل نے کہاہے کہ پی ٹی آئی کرپشن کے خاتمے کا مینڈیٹ لے کر آئی ہے، ڈبل شاہ کے بعد کرپشن کے بے تاج بادشاہ ڈبل شریف کی 17 ہزار ٹرانزیکشنز پکڑی گئیں، منی ٹریل مل گئی ہے، دوسروں پر الزام نہ لگائیں خود کو دیکھیں،کرپشن میں ایک دوسرے کے پارٹنرایک دوسرے کی کرپشن چھپاتے ہیں۔دوسرا ہم پر کرپشن کا الزام لگاتے ہیں۔وہ گورنرہاوس میں پریس کانفرنس سے خطاب کررہے تھے۔ گورنرسندھ عمران اسماعیل کا کہنا تھا کہ شریف فیملی کے ملازمین کے اکانٹس سے اربوں روپے گھمائے گئے،ڈبل شریف کے دھندے کو ہم نے بے نقاب کیا ہے،ایک بار ایک ڈبل شاہ آیا تھا،اب ڈبل شریف آئے ہیں۔ ڈبل شریفوں نے اپنے دور میں جو پاکستان کے ساتھ کیا ہے شاید ہی کسی نے کیاہو گا۔ان کا کہنا تھا 1973 میں نیشنلائزیشن کا آغاز ہوا تو بڑے گروپس سرمایہ لے کر پاکستان سے باہر گئے، پاکستان کے کاروباری حلقے آج تک پالیسیوں پر بھروسہ نہیں کرتے۔
پاسپورٹ ایکسپایری کے ساتھ ہی نواز شریف کی طبیعت میں بہتری آنے لگی۔ اب وہ جیل سے نہیں ڈرتے۔ برطانیہ نے بھی جواب دے دیا۔ اڈیالا میںصفای کا آغاز ۔ ویلکم جناب ویلکم
وہ آ رہے ہیں وہ آتے ہیں آ رہے ہوں گے
شب فراق یہ کہہ کر گزار دی ہم نے— Imran Ismail (@ImranIsmailPTI) December 26, 2021
