اسلام آباد(آ ن لائن )پاکستان نے کہ سعودی عرب پر حوثی باغیوں کے میزائل حملوں کی شدید مذمت کرتے ہوئے حملوں کو فوری بند کرنے کا مطالبہ کیا ہے ۔ ترجمان دفترخارجہ عاصم افتخار احمد کی طرف سے بیان میں کہاگیا ہے کہ حملے سعودی عرب کے جازان گورنیٹ کے علاقے میں کیے گئے۔ ان حملوں میں متعدد افراد ہلاک اور زخمی ہونے جبکہ شہری انفراسٹرکچر کی تباہی ہوئی،۔ایسے حملے نہ صرف بین الااقوامی قوانین کے منافی بلکہ سعودی عرب کے امن و استحکام کے لیے خطرہ ہیں۔ عاصم افتخار احمد نے کہا پاکستان ایسے حملوں کو فوری بند کرنے کا مطالبہ کرتا ہے۔پاکستان سعودی عرب کی علاقائی سالمیت اور سلامتی کے لیے خطرات کے خلاف بھرپور اظہار یکجہتی کرتا ہے۔