لاہور( این این آئی )تھیٹر ویڈیو سکینڈل کی متاثرہ اداکارائوں نے کہا ہے کہ ہمارے ساتھ جو واقعہ پیش آیا وہ صرف واقعہ نہیںبلکہ زیادتی ہے ،خوشبو ایک سٹار ہیں لیکن انہوں نے گھٹیا حرکت کی ہے ،ہم ناچتی ضرور ہیں لیکن اتنی بری نہیں کہ عزت سر عام نیلام کر دیں، ایف آئی اے نے بھی ابھی تک کوئی ٹھوس کارروائی نہیں کی ، اگر خوشبو سچی ہوتیں تو انہیں عبوری ضمانت کی ضرور ت پیش نہ آتی ۔
متاثرہ اداکارہ مہک نور نے زارا خان اوردیگر کے ہمراہ پریس کانفرنس کرتے ہوئے کہا کہ ہماری ویڈیوز ڈریسنگ روم میں بنائیں گئیں جو سراسر زیادتی ہے ،کاشف چن ایک ایکسٹرا فنکار ہے جس سے خوشبو نے یہ کام کرایا ۔مہک نور نے کہا کہ خوشبو سٹار ہے لیکن انہوں نے گھٹیا حرکت کی ،ان کے ساتھ کام کیا کبھی ان کے ساتھ جھگڑا نہیں ہو، میری ان سے صرف پرفارمنس پر تکرار ہوئی ، خوشبو نے سب سے پہلے میری ویڈیو بنوائی اور اس کے عوض کاشف چن کو رقم دی بائیک دی ۔انہوں نے کہا کہ کاشف چن میرے کیبن میں چارجر لگانے کے بہانے آتا تھا،خوشبو خان نے تو سب کو اندھا کر دیا ہے ۔میں پہلے خوشبو کی عزت کرتی تھی لیکن اب نہیں کرتی اور نا ہی اب آپ کو اپنا سینئر مانتی ہوں ۔ زارا خان نے کہا کہ آٹھ سال سے اس فیلڈ میں مجبوری سے ہوں ۔ابھی تک ایف آئی اے نے ٹھیک طرح سے کاروائی نہیں کی ۔انہوں نے کہا کہ میں کسی پر الزام نہیں لگاتی ،خود سے خوشبو پر الزام نہیں لگا رہے جس نے ویڈیو بنائیں اس نے جو باتیں بتائیں اس کی وجہ سے خوشبو پر الزام لگا رہیں ہیں ۔ہم نے جان بوجھ کر ویڈیوز نہیں بنوائیں بلکہ وہ خفیہ طریقے سے ویڈیو بنائیں گئیں ، ہم کسی کا سامنا نہیں کر پارہے ۔زارا خان نے پریس کانفرنس کے دوران رو پڑی اور کہا کہ ناچتی ہیں لیکن اتنی بری نہیں ہیں عزت سرعام نیلام کر دیں ۔خوشبو کا جھگڑا شالیمار تھیٹر والوں کے ساتھ تھا ہمارے ساتھ تو نہیں تھا ۔خوشبو نے عبوری ضمانت کیوں لیں اگر سچی ہوتیں تو پیش ہوجاتی ۔
