واشنگٹن(این این آئی) امریکی محکمہ دفاع پینٹاگون نے آسٹریلیا اورگوام میں فوجی اڈے بنانے کا اعلان کیا ہے۔پینٹاگون کے سینئرافسرنے ایک بیان میں کہا ہے کہ آسٹریلیا اورگوام میں فوجی اڈے بنانے کا مقصد امریکی فوجیوں کوچین کے خطرے سے نمٹنے کیلئے تیارکرنا ہے۔خطے میں فوجی سرگرمیاں بڑھانے کیلئے دیگرممالک سے

پارٹنرشپ بھی کی جائیگی۔پینٹاگون کے افسرکا مزید کہنا تھا کہ آسٹریلیا میں فوجی اڈے پر امریکی جنگی اوربمبارطیارے تعینات کئے جائینگے اورزمینی دستوں کی ٹریننگ بھی کی جائے گی۔امریکی صدرجوبائیڈن نے اپنی خارجہ پالیسی میں چین کوبطورچیلنج اہم قراردیا تھا۔تائیوان کے مسئلے پرچین اورامریکا میں کشیدگی پائی جاتی ہے۔