اسلام آباد (مانیٹرنگ ڈیسک) جماعت اسلامی نے ڈی چوک پر دھرنا دے دیا ہے، مہنگائی کیخلاف یوتھ مارچ کرتے ہوئے ڈی چوک پر تمام رکاوٹیں ہٹا کر دھرنا دے دیا، جماعت اسلامی کے امیر سراج الحق کی سربراہی میں مہنگائی کے خلاف مارچ اسلام آباد پہنچا، ڈی چوک پر پولیس کی بھاری نفری تعینات کی گئی تھی اس موقع پرمظاہرین نے پارلیمنٹ ہاؤس جانے کی کوشش کی۔ اس موقع پر امیر جماعت اسلامی سراج الحق نے ڈی چوک پر خطاب میں کہا کہ اگلے لائحہ عمل کا اعلان ڈی چوک پر کریں گے، ہم انہیں وارننگ دینے آئے ہیں، انہیں بتانے آئیں ہے کہ ملک چلانا آپ کے بس کی بات نہیں، ہم دھاندلی نہیں شفاف الیکشن اور ملک میں حقیقی جمہوری نظام چاہتے ہیں۔