لاہور (آن لائن) پنجاب کے سینئر وزیر اور وزیرخوراک عبدالعلیم خان نے اپنی دونوں وزارتوں سے استعفیٰ دے دیا انہوں نے اپنا استعفیٰ ہفتے کی صبح وزیراعلیٰ پنجاب سردار عثمان بزدار سے ایک ملاقات میں پیش کیا۔ جس میں استعفے کی وجوہات درج کرتے ہوئے سینئر صوبائی وزیر نے موقف اختیار کیا ہے کہ بعض ذاتی وجوہات کی بنا پر دونوں وزارتوں پر
مزید فائز نہیں رہنا چاہتے اس لئے ان کا استعفیٰ منظور کیا جائے ملاقات میں وزیراعلیٰ پنجاب سردار عثمان بزدار نے عبدالعلیم خان کی جانب سے پیش کئے گئے استعفے پر رد عمل کا اظہار کرتے ہوئے عبدالعلیم خان کو خراج تحسین پیش کیا اور کہا کہ عبدالعلیم خان کی پارٹی کے لئے خدمات قابل قدر ہیں اور وہ پارٹی کا اثاثہ ہیں۔ جن کی خدمات کو ہمیشہ یاد رکھا جائے گا۔
