نئی دہلی(این این آئی)بھارت میں چھوٹا بچہ اپنی کلاس میں چوری کے خلاف مقدمہ درج کرانے تھانے پہنچ گیا۔بھارتی میڈیا کے مطابق بھارتی ریاست آندھرا پردیش کے ضلع کرنول میں اس وقت حیران کن صورتحال پیدا ہو گئی جب ایک اسکول کی پرائمری کلاس کا بچہ اپنے دیگر کلاس فیلوز کے ہمراہ تھانے پہنچ گیا۔پولیس کے استفسار پر بچے نے بتایا کہ کلاس میں اس کی پینسل چوری ہو گئی ہے اور وہ پنسل چوری کا مقدمہ درج کرانے تھانے آیا ہے۔بچے کی
باتیں سن کر پولیس اہلکار شش و پنچ میں پڑ گئے اور بچے کی معصومیت پر مسکرا دئیے۔پولیس اہلکاروں نے مقدمہ درج کرانے آنے والے بچوں کی ویڈیو بنا کر سوشل میڈیا پر شیئر کر دی جو تیزی سے وائرل ہو رہی ہے۔ ویڈیو میں دیکھا اور سنا جا سکتا ہے کہ پنسل چوری کا مقدمہ درج کرانے آنے والا بچہ پولیس سے مقدمے کی درخواست کر رہا ہے اور اس کے ہمراہ کلاس کے دیگر بچے بھی ہیں۔
