اسلام آباد (اے پی پی)وفاقی وزیر توانائی حماد اظہر نے کہا ہے کہ پٹرول پمپس کی ہڑتال کی آڑ میں کچھ گروپس مارجن میں 9 روپے کا اضافہ کروانا چاہتے ہیں، ،عوام کو پریشان کرنا درست نہیں، جائز مطالبات مانیں گے، ناجائز مطالبات

تسلیم نہیں کریں گے۔جمعرات کو وزارت کی طرف سے جاری بیا ن کے مطابق وفاقی وزیر حماد اظہر نے کہا کہ پٹرول پمپس کی ہڑتال کی آڑ میں کچھ گروپس مارجن میں 9 روپے کا اضافہ کروانا چاہتے ہیں۔ چند کمپنیوں کو نوازنے کے لئے 9 روپے کا اضافہ نہیں کیا جا سکتا۔ انہوں نے کہا کہ جائز مطالبات مانیں گے، ناجائز مطالبات تسلیم نہیں کریں گے۔انہوں نے کہا کہ عوام کو پریشان کرنا درست نہیں،پٹرولیم ڈیلرز ایسوسی ایشن کے مطالبہ پر مارجن میں اضافے کی سمری پہلے ہی ای سی سی میں پیش کر دی گئی ہے۔آئندہ اجلاس میں اس کا فیصلہ ہو جائے گا لیکن جائز مطالبہ تسلیم کئے جائیں گے۔ حماد اظہر نے کہا کہ پٹرول پمپ مالکان کی مشکلات کا احساس ہے۔ پٹرول پمپ مالکان عوام کی مشکلات کا احساس کرتے ہوئے اپنے فیصلے پر نظرثانی کریں۔