اسلام آباد ( نیوز ڈیسک)تجارتی دنیا میں روزانہ کی بنیاد پر اہم تبدیلیاں دیکھنے میں آتی ہی رہتی ہیں ،ہر ملک بہتر سے بہترین بننے کی کوشش میں لگا ہوا ہے۔چھوٹے اور درمیانے درجے کے کاروباری اداروں کے لیے ایسا ہی ایک بہترین قدم متحدہ عرب امارات کی مشہور ٹیلی کمیونیکیشن کمپنی اتصالات نے بزنس وائی فائی سروس کا آغاز کر کے اُٹھایا ہے۔ چھوٹے اور درمیانے درجے کے کاروباری ادارے اب اس بہترین اور تیز ترین وائرلیس انٹر نیٹ کنکشن کے زریعے اپنے صارفین کے ساتھ رابطے میں رہ سکیں گے۔آج کی دنیا اسمارٹ فونز اور ٹیبلٹس کی ہے اور ان چیزوں کا بڑھتا ہوا استعمال آئی ٹی کی دنیا پربھی دباﺅ بڑھاتا جا رہا ہے کہ وائر لیس کنکشن کی رفتار بھی ساتھ ساتھ بڑھتی جائے تو اس ضمن میں بھی اتصالات کمپنی کا یہ اقدام قابلِ تحسین ہے ۔اپنے سستے ترین پیکج یعنی 370 درہم ماہانہ کے زریعے یہ وائرلیس کنکشن ہسپتالوں ،بنکوں ،ہیلتھ کیئر ڈپارٹمنٹ سمیت گورنمنٹ کے مختلف اداروں میں اپنی سہولیات پہنچائے گا۔