اسلام آباد ( آن لائن )وزیراعظم کی معاون خصوصی سینیٹر ثانیہ نشتر نے کہا ہے کہ ا حساس راشن رجسٹریشن کیلئے ایس ایم ایس سروس کا آغاز کر دیا گیا ہے ۔ میڈیا سے گفتگو کرتے ہوئے معاون خصوصی نے کہا کہ احساس راشن رعایت کیلئے ہر گھرانے کا ایک ہی فرد اہل ہوگا، گھرانے کا کوئی بھی فرد رجسٹریشن کیلئے

شناختی کارڈ نمبر ایس ایم ایس کر سکتا ہے۔ انہوں نے بتایا کہ شناختی کارڈ نمبر ایسی موبائل سم سے بھیجا جائے جو اس کے نام پر رجسٹرڈ ہے۔ثانیہ نشتر کے مطابق احساس راشن رعایت پروگرام سے 2 کروڑ خاندان مستفید ہوں گے، کریانہ مالکان راشن پروگرام کیلئے صرف احساس راشن ویب پورٹل پرہی رجسٹر ہوں گے