اسلام آباد (این این آئی)مسلم لیگ (ن )کے رہنما پرویز رشید نے کہا ہے کہ جو اپنی آواز پہچاننے سے معذوری ظاہر کر رہا ہے وہ کل اپنے لکھے فیصلوں سے بھی مکر جائے گا۔نون لیگ کے سینئر رہنما پرویز رشید نے ثاقب نثار کی مبینہ آڈیو پر ردّ عمل دیتے ہوئے کہا کہ عاصمہ جہانگیر کانفرنس کے موقع پر نواز شریف کی تقریر کو روکنے کی کوششیں کی گئی۔انہوں نے کہا کہ انٹرنیٹ کی تاریں کاٹ کر اور جیمر لگا کر شرکاء کو تقریر سننے سے محروم رکھنے کی کوشش کی گئی۔لیگی رہنما نے کہا کہ فسطائی اور شیطانی کوشش عمرانی حکومت کے خوف کی نشانی ہے جو جھوٹ کو سچ سے ہوتا ہے۔