سری نگر (این این آئی)لاکھوں بھارتی فوجیوں کی موجودگی میں مقبوضہ کشمیر کی مسجد سے بھارت سے آزادی کے نعرے گونج اٹھے۔میڈیارپورٹس کے مطابق سوشل میڈیا کے مختلف پلیٹ فارمز پر ایک ویڈیو زیرِ گردش ہے جس میں مقبوضہ کشمیر کی ایک مسجد کے لائوڈ اسپیکرز سے کشمیر کی آزادی اور بھارت کے خلاف نعرے لگائے جا رہے ہیں۔مسجد
سے لگنے والے نعروں میں کہا جا رہا ہے ہم لے کر رہیں گے آزادی، ہم چھین لیں گے آزادی۔خیال رہے کہ مقبوضہ جموں و کشمیر میں بھارتی افواج کے مظالم عروج پر ہیں، گزشتہ روز بھی ضلع کلگام میں ایک کشمیری نوجوان کو شہید کر دیا گیا تھا جبکہ چند روز قبل بھی قابض بھارتی فورسز نے سرچ آپریشن کی آڑ میں چارکشمیری ڈاکٹرز کو شہید کر دیا تھا۔
