لاہور(آن لائن) مسلم لیگ( ن) کے ڈپٹی سیکرٹری جنرل عطاء اللہ تارڑ نے کہا ہے کہ وزیراعلی پنجاب پیسے لیکرتعیناتیاں کرتاہے، شہزاد اکبر، شہبازگل اورزلفی بخاری کا نام ای سی ایل میں ڈالا جائے۔مسلم لیگ (ن) کے رہنما عطا تارڑ نے منی لانڈرنگ کیس میں شہباز شریف اور حمزہ شریف کی پیشی کے موقع پر میڈیا سے گفتگو کرتے ہوئے کہا کہ

شہباز اور حمزہ کیخلاف ایف آئی ایکاکیس سوا سال سے چل رہا ہے ، ایف آئی اے ایک دھیلے کی کرپشن کا ثبوت عدالت میں پیش نہ کرسکا۔عطا تارڑ کا کہنا تھا کہ وزارت داخلہ کی توجہ کسی اور جانب مبذول ہے، عمران نیازی کوبیوقوف بنانیوالاشخص شہزاداکبرہے، تاریخ پر تاریخ لی جارہی ہے مگرانصاف کی بات نہیں کی جاتی۔انہوںنے کہاکہ ایف آئی اے کو بتادیں آپ کسی کے ذاتی ملازم نہیں ہیں، آج بھی ایف آئی اے سے 3ہفتے کی مہلت مانگی ہے، شہباز اور حمزہ شہبازسے تفتیش کاآغازجیل میں ہی کرچکی تھی ، تحقیقاتی رپورٹ میں ابھی تک کوئی پیشرفت درج نہیں کی گئی۔عثمان بزدار پر تنقید کرتے ہوئے ان کا کہنا تھا کہ وزیراعلی پنجاب پیسے لیکرتعیناتیاں کرتاہے، لاہورشہرمیں لوگ ڈینگی سے مررہے ہیں ۔وزیراعلی پنجاب کہتا ہے سردی آرہی ہے ڈینگی خود ہی مر جائے گا، جو اسپرے مارچ میں ہوناتھا وہ ابھی ہورہاہے اسکا ذمہ دار کون ہے۔عطا تارڑ نے مزید کہا کہ آپ کی اے ٹی ایم نے اپنی جیبیں بھری ہیں، آپ نے چوری نہیں کی ڈاکے ڈالے ہیں، آپ کے محاسبے کے دن قریب ہیں۔انہوںنے کہاکہ 3ہفتے نہیں 3سال کی مہلت مانگ لیں تب بھی کیسزمیں کچھ نکلنے والانہیں، شہزاداکبران کومزیدرسواکرائیں گے، اطلاع ہے شہبازگل نے امریکا میں کال کرکے رہائش کیبندوبست کی بات کی۔عطا تارڑ نے مطالبہ کیا کہ شہزاد اکبر، شہبازگل اورزلفی بخاری کا نام ای سی ایل میں ڈالا جائے۔