اسلام آباد(آن لائن )وزیراعظم عمران خان نے کہا ہے کہ سیاسی مافیا اپنے کیسز سے بچنے کے لیے کسی بھی حد تک جا سکتا ہے ۔ مسلم لیگ ن عدالتوں پر اثرانداز ہونے کے حوالے سے اپنی تاریخ رکھتی ہے۔وزیراعظم کی زیرصدارت حکومتی رہنماوں کا اجلاس منعقد ہوا ۔ اجلاس میں گلگت بلتستان کے سابق جج کے بیان حلفی کے معاملے پر غور کیا گیا ۔مشیر داخلہ شہزاد اکبر اور بیرسٹر علی ظفر نے معاملے کے قانون نکات پر بریفنگ دی ۔ شہزاد اکبر نے
بریفنگ میں بتایا بظاہر لگتا ہے کہ اس پلان کے پیچھے مسلم لیگ ن ہے۔بیان حلفی کا مقصد مسلم لیگ ن کے قائدین کے خلاف کیسز کو متنازع بنانا ہے ۔ بیرسٹر علی ظفر نے بتایا عدالتی کارروائی پر اثرانداز ہونے پر توہین عدالت بنتی ہے۔ وزیراعظم عمران خان کا کہناتھا مسلم لیگ ن عدالتوں پر اثرانداز ہونے کے حوالے سے اپنی تاریخ رکھتی ہے۔مسلم لیگ ن نے ہمیشہ رہاستی اداروں پر حملہ کیا۔ سیاسی مافیا اپنے کیسز سے بچنے کے لیے کسی بھی حد تک جا سکتا ہے
