استنبول( آن لائن ) ترک صدر کے گھر کی تصویر بنانے پر غیر ملکی جوڑے کو گرفتار کر لیا گیا۔اسرائیلی وزرات خارجہ نے جوڑے کی گرفتاری کی تصدیق کی ہے۔ وزارت خارجہ کے حکام کے مطابق ایک جوڑے کو حساس مقام کی تصاویر بنانے پر حراست میں لیا ۔گیا ہے۔
ترک نیوز ایجنسی انادولو کے مطابق اس اسرائیلی جوڑے کے خلاف باقاعدہ عدالتی کارروائی شروع ہو گئی ہے۔ انہیں جمعہ بارہ نومبر کو ایک ترک عدالت میں پیش کیا گیا تھا۔ ان پر سیاسی و فوجی جاسوسی کا ارتکاب کرنے کا الزام عائد کیا گیا ہے۔حکام نے جوڑے کے ساتھ ایک مقامی ترک باشندے کو بھی حراست میں لے رکھا ہے۔ انہیں ایک مقامی ٹیلی وژن اور ریڈیو نیٹ ورک کے ایک ملازم کی نشاندہی پر گرفتار کیا گیا۔نشاندہی کرنے والے کے مطابق اس جوڑے نے تصویر ایک ٹاور میں واقع ریستوران سے بنائی تھی۔ جس مکان کی یہ جوڑا تصویر لے رہا تھا وہ استنبول میں واقع ہے۔ترکی میں عمومی طور پر عسکری اور سیکورٹی مقامات کی تصاویر لینے کی ممانعت ہے اور ایسا کرنے سے قبل مجاز حکام سے اجازت لینا ضروری ہوتا ہے
