اسلام آباد(سپیشل رپورٹ:احمد ارسلان) دنیا بھر کے بچوں کے ساتھ ساتھ پاکستانی سکولوں میں کی جانے والی بچوں کی پسندیدہ تفریح ،فرزبی کو اب باقائدہ کھیل کا درجہ مل گیا
ہے۔ اس فیصلے کا اعلان گزشتہ روز ملائیشیا کے شہرکوالا لمپور میں آئی اوسی کے اجلاس میں کیا گےا۔ایلٹیمیٹ جسے عرفِ عام میں فرزبی کہا جاتا ہے کا آغاز ساٹھ کی دہائی میں امریکہ میں ہوا تھا۔ اس کھیل کو مرد اور خواتین دونوں کھیل سکتے ہیں جسکے لیے ان ڈور یا آﺅٹ ڈورجگہ بھی مشروط نہیں۔فرزبی طرز کے کھیل پاکستان سمیت دنیا کے58 ملکوں میں کھیلے جاتے ہیں ۔بیشتر دیگر کھیلوں کے برعکس اس کھیل میں ریفری نہیں ہوتااور اس میں کھلاڑیوں کے منصفانہ کھیل اور سپورٹس مین شپ پر انحصار کیا جاتا ہے۔ورلڈ فلائنگ ڈسک فیڈریشن ( ڈبلیو ایف ڈی ایف ) کا کہنا ہے کہ وہ بین الاقوامی اولمپک کمیٹی کے اس فیصلے سے بہت خوش ہے اور اسے اپنے لیے فخر کی بات سمجھتی ہے، ڈبلیو ایف ڈی ایف نے مزید کہا یہ اقدام ان کی 30 سالہ تاریخ کا بہت اہم سنگِ میل ہے۔پاکستان کے لیے یہ خبر یوں بھی اہم ہے کہ پاکستان کے دیہی علاقوں میں بڑی تعداد میں ایسے بچے موجود ہیں جو فرزبی کے ساتھ ایک ،دو نہیں بلکہ کئی مختلف طریقوں سے انتہائی تیز رفتاری سے کھیل سکتے ہیں ،تو بچو تیار ہو جاﺅ ،پاکستان کا نام روشن کرنے کے لیے۔