روم ( آن لائن ) چینی اور روسی صدر نے جی 20اجلاس میں تجارتی مواقع بڑھانے اور کورونا کے خلاف مل کر اقدامات پر زور دیا ہے ۔ اٹلی میں جاری جی 20 ممالک کے اجلاس میں افتتاحی سیشن سے ویڈیو خطاب کرتے ہوئے چینی صدر شی جن پنگ نے کہا کہ چین دوسرے ممالک کے لیے اپنے دروازے کھلے رکھے گا، چین میں ڈویلپمنٹ دوسرے
ممالک کی ترقی کا باعث بنے گی۔روسی صدر پیوٹن نے ویڈیو لنک خطاب میں کورونا سے نمٹنے کے لیے مل کر اقدمات اٹھانے پر زور دیا، سمٹ کے موقع پر امریکی صدر بائیڈن، جرمن چانسلر، فرانسیسی صدر اور برطانوی وزیراعظم کی میٹنگ بھی ہوئی جس میں ایران کے ساتھ جوہری معاہدے کی بحالی کے حوالے سے تبادلہ خیال کیا گیا ہے
