کراچی (این این آئی)پاکستان فلم و ٹی وی انڈسٹری کے معروف اداکار ہمایوں سعید نے کہا ہے کہ آصف علی نے 18ویں اوور کی آخری بال پر رن نہ لینے کا فیصلہ درست کیا تھا۔ہمایوں سعید نے ٹوئٹر پر آصف علی کی تصویر شیئر کی اور ساتھ ہی اْن کے لیے تعریفی پیغام بھی جاری کیا۔اداکار نے اپنے ٹوئٹ میں کہا کہ ’ماشاء اللہ ! ایک اور زبردست میچ، ایک اور بڑی جیت‘۔اْنہوں نے کہا کہ ’آصف علی، کیا پراعتماد کھلاڑی ہے، اس اوور کو کھیلنے کا انتخاب کرنا، ایک درست فیصلہ تھا اور ساتھ ہی جس طرح سے اْنہوں نے چھکے مارے وہ شاندار تھا‘۔ہمایوں سعید نے کہا کہ ’شاباش آصف علی جبکہ بابر اعظم کی بھی اننگز اچھی تھیں‘۔اْنہوں نے کہا کہ ’فائنل میں پہنچنے کے ہمارے امکانات روشن نظر آ رہے ہیں‘۔