مکوآنہ (این این آئی )دوسری شادی کرنے سے منع کرنے پر خاوند نے اپنے اہل خانہ کے ہمراہ خاتون کو بھرے بازار میں بدترین تشدد کا نشانہ بنادیا۔تھانہ ملت ٹاؤن میں مقدمہ کا اندراج کرواتے ہوئے طاہرہ پروین نامی خاتون نے پولیس کو بتایا اس کی شادی ذیشان افضل کیساتھ ہوئی تھی جس کی دوسری شادی کے لیے اس کے اہل خانہ محلہ گارڈن میں رشتہ دیکھنے کے لیے گئے
جہاں پہنچ کر خاتون کی جانب سے دوسری شادی سے منع کیا گیا تو اس کے خاوند کے اہلخانہ کی جانب سے مبینہ طور پر اسے تشدد کا نشانہ بناتے ہوئے بھرے بازار میں لے آئے جہاں اسے بدترین تشدد کرتے ہوئے زخمی کر دیا گیا جبکہ اس دوران اسے نیم برہنہ بھی کردیا گیا جس پر پولیس نے متاثرہ خاتون کی درخواست پر مقدمہ درج کرکے ملزموں کے خلاف کارروائی شروع کر دی۔
