لاہور ( آن لائن ) قومی ٹیم کے سابق کپتان شعیب ملک ایک بار پھر 2009ء کی تاریخ دہرانے کیلئے پر امید ہیں۔ 39 سالہ سابق کپتان شعیب ملک نے کہا کہ ٹی ٹونٹی ورلڈ کپ جیتنا بہترین لمحہ تھا اور کیرئیر کے اختتام سے قبل دوبارہ ایسا چاہتا ہوں۔گزشتہ 22 سال سے قومی ٹیم کی نمائندگی کرنے والے شعیب ملک نے 2009ء کے ٹی ٹونٹی ورلڈکپ میں پاکستان کی فتح کو یاد کرتے ہوئے کہا کہ اس وقت ورلڈ کپ میں شروع میں ہم مشکل میں تھے لیکن بعد میں مومینٹم پکڑا۔انہوں نے کہا کہ ٹیم سے جب زیادہ توقع نہیں ہوتی تو اس کا فائدہ بھی ہوتا ہے، جب کوئی آپ کو فیورٹ نہیں سمجھتا تو اس کو چیلنج سمجھ کر اپنا بہتر سے بہتر دینے کی کوشش کرتے ہیں۔

موضوعات:شعیب ملک