اسلام آباد ( آن لائن) محکمہ موسمیات کے مطابق ملک کے بیشتر علا قوں میں موسم خشک جبکہ شمالی علا قوں میں سرد رہے گاتاہم آج رات بالائی خیبرپختونخوا، بالائی پنجاب ، کشمیر اورگلگت بلتستان میں بعض مقامات پر گرج چمک کے ساتھ ہلکی بارش، بوندا باندی اور

شمالی علاقوں میں بلند پہاڑوں پر ہلکی برف باری کا امکان ہے۔محکمہ موسمیات کا کہنا ہے کہ ملک کے بیشترعلا قوں میں موسم خشک جبکہ شمالی علا قوں میں سرد رہے گا۔گزشتہ چوبیس گھنٹوں میں ملک کے بیشترمیدانی علاقوں میں موسم خشک جبکہ پہا ڑی علا قوں میں سرد رہے گا۔محکمہ مو سمیات کے مطابق آج کم سے کم درجہ حرارت 20 ڈگری سینٹی گریڈ ریکارڈ کیا گیا، آج زیادہ سے زیادہ درجہ حرارت 34 ڈگری سینٹی گریڈ ریکارڈ ہونے کا امکان ہے۔ہوا میں نمی کا تناسب 76 فیصد ریکارڈ کیا گیا ، شہرقائد میں 10 کلو میٹر فی گھنٹہ کی رفتار سے مغربی ہوا چل رہی ہیں۔محکمہ مو سمیات کے مطابق آئندہ چوبیس گھنٹوں تک بارش کا کوئی امکان نہیں ہے،آج مطلع صاف رہے گا۔شہر میں ہوا کی سمت تبدیل جبکہ فضائی آلودگی میں اضافہ ہو گیا ہے۔کراچی کی فضا بھی مضر صحت قراردے دی گئی ہے ، دنیا کے آلودہ ترین شہروں میں لاہور صف اول پر آگیا۔محکمہ مو سمیات کے مطابق لاہور میں آلودہ ذرات کی مقدار358 اور کراچی میں 163 پرٹیکیولیٹ میٹرز ریکارڈ کی گئی ہے۔ذرائع کے مطابق دنیا کے آلودہ شہروں میں دہلی دوسرے اور کلکتہ تیسرے نمبر پر آگئے ہیں جبکہ کراچی آلودہ شہروں میں چوتھے نمبر پرہے۔ایئر کوالٹی انڈیکس کے مطابق درجہ بندی کے مطابق 151 سے 200 درجے تک آلودگی مضر صحت ہے،201 سے 300 درجے تک آلودگی انتہائی مضر صحت ہے، 301 سے زائد درجہ خطرناک آلودگی کوظاہر کرتا ہے۔