لاہور( این این آئی)محکمہ اینٹی کرپشن ، ضلعی انتظامیہ اور محکمہ مال نے مسلم لیگ (ن) کے رہنما و چیئرمین میونسپل کارپوریشن چوہدری گلزار احمد باتھ کی رائس مل کوسیل کر دیا۔چیئرمین میونسپل کمیٹی نوشہرہ ورکاں چوہدری گلزار احمد باتھ پر سیاسی اثرورسوخ ، اختیارات کے ناجائز استعمال اور ٹیکس چوری کا الزام ہے ۔محکمہ اینٹی کرپشن کے مطابق گلزار احمد باتھ نے
جعلسازی سے سرکاری محصولات چھپائے ،گلزار احمد باتھ نے جان بوجھ کر انتہائی کم مل فیس اداکی ،میونسپل کارپوریشن کو جعلسازی سے کم فیس ادا کرکے بھاری نقصان پہنچایا ۔ اینٹی کرپشن کے مطابق ملزم گلزار احمد کے خلاف اینٹی کرپشن گجرانوالہ میں انکوائری چل رہی ہے۔ اینٹی کرپشن ، محکمہ مال اور میونسپل کارپوریشن نے مشترکہ آپریشن کرکے رائس مل سیل کردی ۔
