لندن (این این آئی)انگلینڈ کرکٹ ٹیم کے سابق کپتان کیون پیٹرسن نے کہا ہے کہ ہر سال پاک بھارت ٹی 20 سیریز ہونی چاہیے۔کیون پیٹرسن نے اپنے ٹوئٹ میں کہا کہ میری تجویز ہے کہ بھارت کو ہر سال پاکستان کے ساتھ کسی نیوٹرل وینیو پر 3 ٹی 20 میچز کی سیریز کھیلنی چاہیے۔انہوں نے کہا کہ

یہ 3 ٹی 20 میچز پر مبنی سیریز 5 روز کے دوران کھیلی جانی چاہیے۔کیون پیٹرسن نے کہا کہ سیریز کیلئے دونوں ٹیموں کا 15 رکنی اسکواڈ ہو اور سیریز جیتنے والوں کو 15 ملین ڈالر ملیں۔انہوں نے کہا کہ شہر، ملک اور براڈ کاسٹرز ہر برس اس ایک ہفتے کی سیریز کیلئے لائن میں لگے کھڑے ہوں گے۔