کولمبو(نیوزڈیسک)شعیب ملک ٹی ٹوئنٹی کرکٹ میں1000رنز کا سنگ میل عبور کرنے والے چوتھے پاکستانی بن گئے۔پاکستانی کھلاڑی شعیب ملک نے ٹی ٹوئنٹی میں ایک ہزار رنز مکمل کرلئے، کولمبو میں سری لنکا کے خلاف ناقابل شکست 46 رنز کی اننگز کے ساتھ ان کا مجموعی اسکور 1019ہوچکا ہے جب کہ اس سے قبل محمد حفیظ 1371، عمر اکمل1339 اور آفریدی1173 رنز بنا چکے ہیں۔شعیب ملک کے 1000رنز مکمل کرنے پر ان کی اہلیہ ثانیہ مرزا جو اس وقت سٹیڈیم میں ہی موجود تھیں تالیاں بجاکر خوشی کا اظہار کیا،میچ کے دوران ثانیہ مرزا مسلسل شعیب ملک کی حوصلہ افزائی کرتی نظر آئیں۔