کراچی(این این آئی)کراچی اور لاہور کی فضا مضر صحت قراردے دی گئی، لاہور دنیا کے آلودہ ترین شہروں کی فہرست میں جمعرات کوپہلے اور کراچی تیسرے نمبر پر رہے۔ایئر کوالٹی انڈیکس کے مطابق کراچی اور لاہور کی فضا

مضرصحت ہے، جمعرات کی صبح 10 بجے کی فہرست میں لاہور دنیا کے آلودہ ترین شہروں کی فہرست میں پہلے اور کراچی تیسرے نمبر پر موجود رہا۔لاہور میں آلودہ ذرات کی مقدار 163 اور کراچی میں 154پرٹیکیولیٹ میٹرز ریکارڈ کی گئی ہے جبکہ دنیا کے آلودہ شہروں میں بھارت کا شہر دہلی دوسرے نمبر پر موجود ہے۔درجہ بندی کے مطابق 151 سے200 درجے تک آلودگی مضر صحت ہے، 201 سے 300 درجے تک آلودگی انتہائی مضر صحت ہے، 301 سے زائد درجہ ، خطرناک آلودگی کو ظاہر کرتا ہے۔محکمہ موسمیات کے مطابق موسم خزاں کے آغاز کے ساتھ ہی ہوائوں کے رخ میں تبدیلی آجاتی ہے، ہوائوں کے رخ میں تبدیلی کے باعث فضا میں کہر رہتا ہے، اکتوبر میں جنوب مغرب سے چلنے والی سمندری ہوائوں کی رفتار میں کمی آجاتی ہے دن میں شمال اور شمال مغرب سے خشک ہوائیں چلتی ہیں۔