اسلام آباد (مانیٹرنگ ڈیسک /این این آئی)شاہ رخ خان کے بیٹے آریان خان نے دوران تفتیش اعتراف جرم کر لیا ۔ تفصیلات کے مطابق گزشتہ روز ممبئی کے ساحل کے قریب موجود ایک کروز شپ میں جاری پارٹی سے منشیات قبضے میں لینے کے بعد آریان خان کو گرفتار کیا تھا۔

بھارتی میڈیا رپورٹس کے مطابق نارکوٹکس کے آفیسر نے بتایا ہے ہے کہ آریان خان نے تفتیش کے دوران رو پڑے اور انہوں نے اعتراف جرم بھی کر لیا ہے ، آریان نے اس بات کا اعتراف کیا ہے کہ پچھلے چار سالوں سے منشیات لینے کے عاد ہیں ۔ دوران تفیش یہ بات بھی سامنے آئی ہے کہ جب آریان خان برطانیہ ، دبئی سمیت دیگر ممالک میں تھے تو اس وقت بھی بھی منشیات استعمال کر رہے تھے ۔ دوسری جانب بھارت کی مقامی عدالت نے شاہ رخ خان کے بیٹے آریان خان کو منشیات برآمدگی کیس میں ایک دن کے ریمانڈ پر نارکوٹکس کنٹرول بیورو (این سی بی) کی تحویل میں دیتے ہوئے جیل بھیج دیا۔واضح رہے کہ بالی وڈ اداکار شاہ رخ خان کے بیٹے آریان خان کو منشیات استعمال کرنے کے الزام میں نارکوٹکس کنٹرول بیورو (این سی بی) نے حراست میں لے لیا۔بھارتی میڈیا رپورٹس کے مطابق این سی بی نے گزشتہ روز ممبئی کے ساحل پر ایک کروز شپ پر ہونے والی پارٹی پر چھاپہ مارا اور 8 افراد کو گرفتار کیا۔این سی بی عہدیدار نے نام ظاہر نہ کرتے ہوئے بتایا تھا کہ معروف بالی وڈ اداکار کے بیٹے کو حراست میں لیا گیا تاہم بھارتی میڈیا ذرائع کا دعویٰ ہے کہ آریان خان اس وقت این سی بی کی تحویل میں ہیں۔ذرائع کے مطابق اداکار کے بیٹے سے تفتیش کی جارہی ہے اور ان سے ساحل کے کنارے پارٹی سے متعلق بھی سوالات کیے جا رہے ہیں۔این سی بی ذرائع کے مطابق آریان خان کا فون ضبط کر لیا گیا ہے اور فون کی اسکیننگ کی جا رہی ہے تاکہ اداکار کے بیٹے کے منشیات کے استعمال اور خرید و فروخت میں ملوث ہونے کے ٹھوس شواہد مل سکیں۔