ڈھاکا(نیوز ڈیسک )جنوبی افریقہ کے سپیڈ اسٹارباو¿لر ڈیل اسٹین نے ٹیسٹ کرکٹ میں تیز ترین 400 وکٹیں مکمل کر لی ہیں۔32سالہ فاسٹ بالر نے ڈھاکا میں بنگلہ دیش کے خلاف کھیلے جا رہے دوسرے ٹیسٹ میچ کے پہلے دن اپنے تیسرے اوور میں تمیم اقبال کو آو¿ٹ کر کے ٹیسٹ کرکٹ میں 400 وکٹیں مکمل کیں۔انہوں نے یہ اعزاز اپنے 80ویں ٹیسٹ میں اپنے نام کیا جس کے ساتھ ہی وہ تیز ترین 400 وکٹیں لینے والے فاسٹ باو¿لر نیوزی لینڈ کے سر رچرڈ ہیڈلی کے ریکارڈ میں حصے دار بن گئے ہیں۔ٹیسٹ کرکٹ میں سب سے تیز 400 وکٹیں مکمل کرنے کا اعزاز عظیم سری لنکن اسپنر متیاہ مرلی دھرن کو حاصل ہے جنہوں نے 72ویں ٹیسٹ میچ میں یہ اعزاز حاصل کیا۔وہ یہ اعزاز حاصل کرنے والے جنوبی افریقہ کے دوسرے باو¿لر ہیں جہاں اس سے قبل صرف شان پولاک کو یہ اعزاز حاصل تھا،2008 میں ریٹائر ہونے والے پولاک نے کیریئر میں 421 وکٹیں حاصل کی تھیں۔اسٹین 400 وکٹیں لینے والے دنیا کے 13ویں باو¿لر ہیں اور اس فہرست میں متیاہ مر لی دھرن 800 وکٹوں کے ساتھ پہلے نمبر پر موجود ہیں۔