لاہور( این این آئی) خوبرو اداکارہ سجل علی ڈرامہ سیریل ’’ عشقِ لا‘‘ میں ایک صحافی کا کردار نبھا تے ہوئے نظر آئیں گی ۔ جبکہ ڈیبیو کرنے والے گلوکار اذان سمیع ایک طاقتور اور بارعب شخصیت کے انداز میں نظر آئیں گے ۔مذکورہ ڈرامے کا ٹائٹل سانگ ریلیز کردیا گیا جسے بے حد پسند کیا جارہا ہے ۔اس ڈرامے کے 2 ٹیزرز ریلیز کیے گئے ہیں،

پہلے ٹیزر میں سجل علی اور اذان سمیع خان کو ایک ساتھ دکھایا گیا ہے۔جس میں سجل علی صحافی کے کردار میں دکھائی دی ہیں جبکہ اذان سمیع ایک طاقتور اور بارعب شخصیت کے انداز میں نظر آئے ہیں اور دونوں کو ساتھ دکھایا گیا ہے۔ڈرامے کی کہانی معروف ڈرامہ نگار قیصرہ حیات نے لکھی ہے اور اسے مومنہ درید پروڈکشنز کے بینر تلے پروڈیوس کیا جارہا ہے۔