لاہور(نیوزڈیسک)سابق کرکٹر باسط علی نے کہا ہے کہ پاکستان کو چمپئنز ٹرافی کے ایونٹ سے باہر کرنے کیلئے بھارت ضرورکوئی نہ کوئی کردار ادا کرے گا ،اگر ویسٹ انڈیز اوربھارت کے درمیان سیریز ہوئی تو یقینا ویسٹ انڈیز اسے جیتنے میںکامیاب ہو جائے گا ۔ ایک انٹر ویو میں باسط علی نے کہا کہ آئی سی سی رینکنگ میں آٹھویں پوزیشن سنبھالنے کے باوجود پاکستان کے لئے چمپئنز ٹرافی تک رسائی کاحصول آسان نہیں ۔ ویسٹ انڈیز اور بھارت کے درمیان ایک سیریز التواءکا شکار ہے جسے ممکنہ طور پر کھیلا جا سکتاہے اور اگر ایساہوتاہے تو پاکستان کو چمپئنز ٹرافی سے باہر کرنے کے لئے بھارت ضرور کوئی نہ کوئی کردار ادا کر سکتا ہے جبکہ بھارت ،ساﺅتھ افریقہ سیریز کوبھی سہ ملکی ٹورنامنٹ میں تبدیل کیا جا سکتاہے۔