پشاور(آن لائن )وفاقی حکومت نے ملک بھر کے کسٹمز کلکٹریٹس کے پاس موجود اشیا ء کی شفاف نیلامی کے لئے الیکٹرانک نیلامی کا طریقہ کار لاگو کر دیا جس کے تحت پاکستان بھر سے الیکٹرانک رجسٹریشن ، زر ضمانت جمع کروانے ، سامان کی جانچ پڑتال کے لئے الیکٹرانک آکشن کے تحت قواعد جاری کر دیئے گئے ہیں آکشن سکیم کے تحت ضبط سگل شدہ گاڑیاں ، کپڑا ، کراکری ، جوتے ، الیکٹرانکس ، مشروبات ، کھانے پینے کی
اشیاء ، پرفیومز ، ملبوسات ہر قسم کا سامان نیلام کیا جائے گا ۔ نیلام ہونے والی اشیاء کی معلومات اور تصاویر ہر ماڈل کسٹمز کلکٹریٹ کی ویب سائٹ پر جاری کی جائیگی ۔ اس کے لئے کسٹمز پروسیجر جاری کردیا گیا ہے الیکٹرانک رجسٹریشن کی تمام پورٹل پیش کرنے کے بعد فیس کی ادائیگی کے بعد انہیں خصوصی بڈز نمبر جاری کیا جائے گا جس کی روشنی میں انہیں ای میل اور موبائل نمبر پر یہ معلومات فراہم کی جائیگی ۔
