انوپور(این این آئی)بھارتی ریاست مدھیا پردیش کے ضلع انوپور میں مہنگے سموسے کے معاملے پر ایک شخص نے خودسوزی کرلی۔بھارتی میڈیا رپورٹ کے مطابق ریاست مدھیا پردیش کے گائوں باندھا میں ایک افسوسناک واقعہ پیش آیا، جس میں سموسے فروخت کرنے والے شخص نے گاہک کے خلاف شکایت درج کرائی۔رپورٹ کے مطابق دکان دار نے خریدار کے خلاف شکایت درج کرائی تو پولیس نے مقدمہ درج کر کے اس سے تفتیش شروع کی اور اس قدر تنگ کیا کہ اس نے انتہائی قدم اٹھا لیا۔دکان دار کنچن ساہو نے متوفی کو دو سموسوں کے عوض 20 روپے طلب کیے مگر وہ 15 روپے دینے پر راضی تھا، جس کے بعد دونوں میں تکرار ہوئی تو دکان دار نے پولیس کو طلب کرلیا۔پولیس کے مطابق گاہک نے 22 جولائی کو خود پر پیٹرول چھڑک کر آگ لگائی، جسے ضلعی اسپتال منتقل کیا گیا، جہاں وہ دو روز زیرعلاج رہا اور 24 جولائی کو دنیا سے رخصت ہوگیا۔