لاہور(این این آئی) ڈیفنس کے علاقے میں مائرہ قتل کیس، پراسیکیوشن ونگ نے پولیس کی جانب سے جمع کرائے گئے چالان کو مسترد کر دیا ،ملزموں کی ڈی این اے کی رپورٹ چالان کے ساتھ جمع کروانے کی ہدایت کر دی۔پراسیکیوشن نے پولیس چالان پر 48 اعتراضات عائد کئے ہیں، پراسیکیوشن کے اعتراضات کے مطابق پولیس کو کہا گیا ہے کہ چالان تاخیر سے کیوں پیش کیا گیا، وضاحت دی جائے۔جہاں وقوعہ ہوا وہاں سے سی سی ٹی وی شواہد اکٹھے کیوں نہیں کئے گئے، ملزموں کے پولی گراف ٹیسٹ کیوں نہیں کرائے گئے اور جہاں وقوعہ ہوا وہاں اردگرد کے لوگوں کو شامل تفتیش کیوں نہیں کیا گیا۔پراسیکیوشن نے پولیس کو ہدایت کی ہے کہ تمام دستاویزات کو متعلقہ افسر سے دستخط کرا کر چالان کے ساتھ لف کریں، ملزموںکی ڈی این اے کی رپورٹ بھی چالان کے ساتھ ہی جمع کرائی جائے۔