اسلام آباد(نیوزڈیسک )محکمہ مو سمیات نے ملک کے زیادہ تر حصو ں میں آئندہ پیر تک مون سون کی مزید بارشوں کی پیشنگوئی کی ہے۔موسم کی تازہ ترین صورتحال کے مطابق زیریں سندھ، وسطی/ جنوبی پنجاب ،خیبر پختونخوا، شمالی بلوچستان اور گلگت بلتستان میں مطلع ابرآلود ہے جبکہ دیر، لاہور، جھنگ اور کراچی میں کہیں کہیں بارش ہو رہی ہے۔غیر معمولی بارشوں کے باعث پنجاب، بالائی خیبر پختونخوا،کشمیر اور شمال مشرقی بلوچستان کے ندی نالوں میں طغیانی جبکہ کشمیر، مالاکنڈ اور ہزارہ ڈویژن میں لینڈ سلائیڈنگ کا خدشہ ہے۔آئندہ 24گھنٹوں کے دوران کراچی سمیت سندھ میں اکثر مقامات پرجبکہ اسلام آباد، پنجاب(راولپنڈی، گوجرانوالہ، لاہور، فیصل آباد ،سرگودھا،ساہیوال، بہاولپور، ملتان، ڈی جی خان ڈویژن)،خیبر پختونخواہ (مالاکنڈ، ہزارہ،پشاور، مردان، کوہاٹ، بنوں، ڈی آئی خان ڈویژن)، بلوچستان (ژوب ، سبی ، کوئٹہ، نصیرآباد، قلات اور مکران ڈویژن )، فاٹا، کشمیراور گلگت بلتستان میں کہیں کہیں گرج چمک کے ساتھ مزید بارش کا امکان ہے۔ اس دوران زیریں سندھ ( کراچی، حیدرآباد ، میر پور خاص ڈویژن) میں کہیں کہیں جبکہ خیبر پختونخوا، لاہور، گوجرانوالہ، راولپنڈی، ڈی جی خان، بہاولپور، ژوب ، سبی ، نصیرآباد، قلات، مکران، سکھر ڈویژن اور کشمیر میں چند مقامات پر موسلادھار بارش کا امکان ہے۔گزشتہ 24 گھنٹوں کے دوران سب سے زیادہ بارش بالاکوٹ107 ملی میٹر جبکہ کاکول84، مظفرآباد61، کوٹلی 54، مالم جبہ44، راولاکوٹ 39، جھنگ32، سیالکوٹ28، رسالپور27 ، لسبیلا، دیر26، پٹن 21، مٹھی19، لاہور، خضدار، مری 15، سبی13، نگر پارکر، بنوں12، گڑھی دوپٹہ 11، اوکاڑہ، جہلم 09،کوٹ ادو07، کوہاٹ، پشاور، چراٹ06، سیدوشریف، ملتان، ژوب 04، بھکر، چھور،فیصل آباد 02، استور، گجرات، لیہ اور ٹھٹھہ میں01 ملی میٹر ریکارڈ کی گئی۔جمعرات کو سب سے زیادہ درجہ حرارت نوکنڈی میں44 ڈگری سینٹی گریڈ جبکہ دالبندین ، تربت 43، دادو42اور سبی میں41 ڈگری سینٹی گریڈ ریکارڈ کیا گیا۔