کراچی (این این آئی)سندھ میں کورونا وائرس کیسز میں اضافہ کے بعدمحکمہ داخلہ سندھ نے پابندیوں کا نیانوٹیفکیشن جاری کردیا ہے جس کے تحت پرائمری سکینڈری اسکولز 17جولائی سے بند رہیں گے تاہم اساتذہ اور غیر تدریسی عملے کو ڈیوٹی پر آنا ہوگا۔محکمہ داخلہ کا کہنا ہے کہ تعلیمی بورڈز کے تحت بارہویں جماعت کے امتحانات شیڈول کے مطابق جاری رہیں گے ۔سندھ بھر میں ریسٹورینٹس اور ہوٹل مین انڈور ڈائننگ پر پابندی ہوگی16 جولائی سے واٹر پارکس، تفریحی پارکس، جم، سوئمنگ پول، تھیم پارکس بھی بند رہینگے۔ ساحل سمندر، ہاکس بے، کینجھر جھیل، المنظر، لب مہران مکمل طور پر بند رہیں گے۔ نوٹیفیکیشن میںسینما گھروں کی بندش کا حکم دیا گیا ا ہے جولائی سے پبلک ٹرانسپورٹ پچاس فیصد مسافروں کے ساتھ چلانے کی اجازت ہوگی۔ حکم نامہ کے مطابق نئی پابندیوں کا اطلاق 31 جولائی تک ہوگا۔