چٹاگانگ(نیوز ڈیسک) جنوبی افریقا اور بنگلادیش کے درمیان جاری 2 ٹیسٹ میچز پر مشتمل سیریز کے پہلے ٹیسٹ کے تیسرے روز بنگلادیش کی ٹیم اپنی پہلی اننگز میں 326 رنز بنانے کے بعد پویلین لوٹ گئی۔میزبان بنگلادیش نے اپنی نامکمل اننگزکا آغاز 179 رنز 4 وکٹوں کے نقصان سے دوبارہ شروع کی تو کپتان مشفق الرحیم 28 رنز بنانے کے بعد 195 کے مجموعی اسکور پر پویلین لوٹ گئے جس کے بعد وقفے وقفے سے وکٹیں گرتی چلی گئیں، شکیب الحسن 47، وکٹ کیپر بلے باز لٹن داس 50، محمد شاہد 25، تیج الاسلام 9 اور مستفض الرحمان 3 رنز بنا کر آو¿ٹ ہوئے۔ جنوبی افریقا کی جانب سے ڈیل اسٹٰن اور سمن ہارمر نے 3،3، ورنن فلنڈر نے 2 اور وین زیل اور ڈین ایلگر نے ایک ایک وکٹ حاصل کی۔