اسلام آباد (این این آئی)پاکستان پیپلز پارٹی کے چیئرمین اور سابق صدر آصف علی زرداری نے پاکستان تحریک انصاف کی حکومت پر تبصرہ کرتے ہوئے کہا ہے کہ
حکومت ہے ہی نہیں تو چلی کیا جائے گی۔وہ پارلیمنٹ ہائوس میں میڈیا سے مختصر بات چیت کررہے تھے ۔ صحافی نے سابق صدر سے سوال کیا کہ آپ نے کہا تھا کہ حکومت چلی جائے گی اب کیا صورتحال دیکھ رہے ہیں؟جس پر انہوں نے جواب دیا کہ حکومت تو ہے نہیں چلی کیا جائے گی؟ ہو تو جائے گی ناں یہ تو مانگے تانگے پر گھس گھسا کر (نظام) چلا رہے ہیں۔افغانستان کی صورتحال کے حوالے سے کیے گئے سوال کے جواب میں آصف زرداری نے کہا کہ افغانستان کی صورتحال خطرناک ہے اس کے اثرات پاکستان پر آسکتے ہیں۔انہوں نے کہا کہ اس حوالے سے ہمیں سوچنا بھی ہے اور اس پر نظر بھی رکھنی ہے، جو اس میں شامل ہے وہ دیکھتے ہوں گے۔اسرائیلی حکام سے ملاقاتوں پر پارلیمان کو اعتماد میں لینے سے متعلق سوال کے جواب میں انہوں نے کہا کہ پارلیمان کو ضرور ہر معاملے پر اعتماد میں لیا جانا چاہیے۔
