اسلام آباد (این این آئی)پاکستان پیپلز پارٹی کی سیکرٹری اطلاعات شازیہ مری نے کہا ہے کہ عمران خان کا بس چلے تو ملک کے ایٹمی اثاثے مودی کو تحفے میں دے دیں۔اپنے بیان میں شازیہ مری نے کہا کہ کسی کا باپ بھی پاکستان کے ایٹمی اثاثوں کو ختم نہیں کر سکتا، بلاول بھٹو زرداری عمران خان کو سیکیورٹی رسک نہ کہیں تو اور کیا کہیں؟شازیہ مری نے کہا کہ شہید ذوالفقار علی بھٹو نے پاکستان کو مسلم دنیا کا پہلا ایٹمی ملک بنایا، پاکستانی قوم نے ایٹمی طاقت بننے کیلئے کئی قربانیاں دی ہیں۔انہوں نے کہا کہ فواد چوہدری اور فرخ حبیب اپنے لیڈر کی ذہنی کیفیت پر ماتم منائیں، پی ٹی آئی والوں کی چیخ و پکار بتا رہی ہے کہ عمران خان ڈوب چکے اور بلاول طلوع ہو رہے ہیں۔