لاہور( این این آئی)پاکستان تحریک انصاف کے سینئر مرکزی رہنما ہمایوں اختر خان نے عوام کو ٹیلیفون کالز پر عائد کئے گئے ٹیکس سے بچنے کا طریقہ بتا دیا ۔ ہمایوں اختر خان نے ایک ٹی وی پروگرام میں پانچ منٹ سے لمبی موبائل فون پر ٹیکس عائد کرنے کے حوالے سے کہا کہ نوجوانوںکو کہتاہوں اب رات کو لمبی کالیں نہ کریں اب اس پر ٹیکس لگے گا،شاید اس سے کچھ بہتری ہو۔ انہوں نے مزید کہا کہ کام کی بات تو پانچ منٹ میں ہو جاتی ہے ،اگرلمبی بات کرنی ہو تو پانچ منٹ کی کال پوری ہونے سے پہلے بند کر کے دوبارہ کال کر لی جائے۔