چٹا گانگ(نیوز ڈیسک)بنگلہ دیش اور جنوبی افریقہ کے درمیان جاری 2میچوں پر مشتمل ٹیسٹ سیریز کا پہلا ٹیسٹ چٹا گانگ کے ظہور احمد چوہدری اسٹیڈیم میں جاری ہے۔ میچ میں آج تیسرے دن کا کھیل شروع ہوچکا ہے، جہاں بنگال ٹائیگرز اپنی پہلی اننگ 179رنز 4وکٹوں پر دوبارہ شروع کی ہے اور اب تک انہوں نے 195رنز تک اسکور میں اضافہ کردیا ہے۔ اس سے پہلے پروٹیز ٹیم اپنی پہلی اننگز میں 248رنز کے اسکور پر آؤٹ ہوگئی تھی، بنگال ٹائیگرز کی جانب سے موستفیزر رحمان نے 4وکٹیں حاصل کی تھیں۔ یاد رہے جنوبی افریقہ ٹیم نے میچ میں ٹاس جیت کر پہلے بیٹنگ کا فیصلہ کیا تھا۔