کراچی (این این آئی) سوئنگ کے سلطان اور قومی کرکٹ ٹیم کے سابق کپتان وسیم اکرم کی اہلیہ شنیرا اکرم نے کہا ہے کہ اْن کی اور اْن کے شوہر کی علیحدگی کو 7 ماہ ہوگئے ہیں، اْن کیلئے اپنے شوہر وسیم اکرم کے بغیر

رہنا بہت مشکل ہے اور اْنہیں اْمید ہے کہ وہ جلد اپنے شوہر کے ساتھ ہوں گی۔شنیرا اکرم نے انسٹاگرام اکاؤنٹ پر اپنے شوہر وسیم اکرم کیلئے خصوصی پیغام جاری کیا اور ساتھ ہی اپنی تصویر بھی شیئر کی۔اپنی انسٹا سٹوری میں شنیرا نے لکھا کہ ‘میں اور وسیم سال 2020 سے 2021 تک ایک دوسرے سے دور ہیں’۔شنیرا نے لکھا کہ ‘کورونا وائرس کے باعث پیدا ہونیوالی دوری کی وجہ سے ہم دونوں ہی اپنی زندگی سنگل والدین کی طرح گْزار رہے ہیں’۔اْنہوں نے لکھا کہ ‘تقریباََ! 7 ماہ ہوگئے ہیں اور ہم دونوں ہی دْنیا کے دو مختلف حصوں میں اپنی الگ الگ زندگی گْزار رہے ہیں’۔سابق کرکٹر کی اہلیہ نے لکھا کہ ‘اس دوری نے ہمیں کمزور نہیں بنایا بلکہ ہم دونوں مزید مضبوط اور طاقتور ہوگئے ہیں’۔شنیرا نے خواہش ظاہر کرتے ہوئے لکھا کہ ‘انشاء اللہ ! میں اور وسیم بہت جلد ایک ساتھ ہوں گے’۔