راولپنڈی(این این آئی) آئل ٹینکرز ایسوسی ایشن نے راجہ سعید گروپ کی جانب سے ہڑتال سے لاتعلقی کے بعد مذاکرات سے پہلے ہی ہڑتال ختم کر دی ۔ذرائع کے مطابق حکومت سے مذاکرات سے پہلے ہڑتال ختم کردی گئی ،اسلام آباد سمیت پورے ملک میں سپلائی بحال کردی گئی ،سہالہ آئل ڈپو، اٹک آئل ریفانری سے پٹرول ڈیزل کی سپلائی بحال ہوگئی ،آئل ٹینکرز ہڑتال کا حامی نعمان بٹ گروپ تنہائی کا شکار ہوگیا۔راجہ سعید گروپ کے مطابق اسلام آباد سے گلگت تک پڑول سپلائی بحال کردی، جڑواں شہروں میں کوئی ہڑتال نہیں ہے۔ راجہ سعید گروپ نے کہاکہ ہم حکومت سے مذاکرات کریں گے، ہڑتال کی مخالفت کرتے ہیں۔