لاہور( این این آئی)قومی احتساب بیورو (نیب) لاہور نے جعلی اکائونٹس کیس میں مطلوب اہم ملزم کو راولپنڈی سے گرفتار کر لیا جسے لاہور منتقل کر دیا گیا ہے ۔نیب کے مطابق عمران شفیع گزشتہ کئی سال سے بیرون ملک فرار ہو چکا تھا اور وطن واپسی کی اطلاع پر نیب انٹیلی جنس ونگ نے کارروائی کرتے ہوئے ملزم کو پکڑ لیا۔جعلی اکانٹس کیس میں143سیاستدان اور ان کے رشتہ دار مفرور ہیں۔چند روز قبل نیب نے جعلی اکائونٹس کیس میں ملزمان سے ریکور کی گئی رقم سندھ حکومت کے حوالے کی تھی۔نیب راولپنڈی نے جعلی اکائونٹس کیس میں 8کروڑ14 لاکھ کے چیک سندھ حکومت کے حوالے کئے، چیک سندھ بینک اور نجی بینک نمائندوں کے حوالے کئے گئے۔