اسلام آباد(اے پی پی)وفاقی وزیر اطلاعات و نشریات چوہدری فواد حسین نے ملتان سلطان کو پی ایس ایل کا نیا چیمپئن بننے پر مبارکباد دیتے ہوئے کہا ہے کہ رضوان،بابر اعظم اور پاکستانی ہیروز کے ساتھ ساتھ ان تمام غیر ملکی ہیروز کے بھی مشکور ہیں جنہوں نے کرکٹ کا یہ شاندار میلہ سجایا۔جمعہ کو اپنے ایک ٹویٹ میں انہوں نے کہا کہ ملتان سلطانز کو پی ایس ایل کا نیا چیمپئن بننے پر بہت مبارک، رضوان، بابر اعظم اور پاکستانی ہیروز کے ساتھ ان تمام غیر ملکی ہیروز کا بھی شکریہ جنہوں نے کرکٹ کا یہ شاندار میلہ سجایا، اب اگلا میلہ سجنے کو ہے اور یہاں میں یہ بھی بتاتا چلوں کہ ہم نے انگلینڈ پاکستان سیریز دکھانے کا مسئلہ حل کرلیا ہے۔