کراچی(این این آئی) اے وی ایل سی نے او ایل ایکس پر کار فروخت کا اشتہار دیکھ کر گاڑیاں چرانے والے پانچ ملزم کو گرفتار کرلیا۔اینٹی وہیکل لفٹنگ سیل (اے وی ایل سی)نے گاڑیاں چرانے والے پانچ ملزم کو گرفتار کرلیا ہے۔ ملزمان او ایل ایکس پر کار فروخت کا اشتہار دیکھ کر بھی گاڑیاں چوری کرتے تھے۔ ملزمان میں ارشاد، اکبر علی، اقبال، فائق شاہ اور فہیم شامل ہیں۔مختلف شہروں سے تعلق رکھنے والے یہ ملزمان چوری شدہ کاریں کراچی سے باہر منتقل کرنے کے لیے 15 ہزار روپے وصول کرتے تھے، گرفتاری کے وقت گلشن اقبال سمیت دیگر علاقوں سے چوری کی گئیں قیمتی کاریں اور موٹر سائیکلیں بھی برآمد کرلیں گئیں ہیں۔ملزمان سے تفتیش جاری ہے، جس کے بعد ملک کے دیگر حصوں سے مزید گرفتاریاں بھی متوقع ہیں۔

موضوعات:او ایل ایکس